Office blong Director General blong Ministry of Agriculture, Livestock, Forestry, Fisheries & Biosecurity i glad blong givhan long Smol Aelan Supplies - SAS wetem 2 auger-drill hemia blong givim i go long ol taro farmers long East Santo, we oli stap supply taro i ko long SAS for salem long domestic mo export market.
DG Timothy Tumukon (L) i handemova tufala drill ia i go long owna blong SAS Joel Amos mo Chief Executive Officer blong Vanuatu Primary Producers Authority Shadrack Welegtabit (R) i witnessim.
Vanuatu Primary Producers Authority bai wok wetem ol farmer ia long Santo blong mekem sure se drill ia i kasem Santo mo i servem purpose blong hem. Auger-drill i gat capacity blong digim holes inside long 10000 square meter graun long wan hour nomo.
